Los Ancelesdəki soydaşlarımız ermənilərin türk restoranına hücumunu pisləyiblər
2020-11-06 11:06
Azərbaycanın Los Ancelesdəki baş konsulu Nəsimi Ağayev və Azərbaycan icmasının üzvləri türk restoranına qarşı törədilən zorakılığı pisləyiblər. Noyabrın 4-də Beverli Hils şəhərində erməni icmasının radikal üzvləri türklərə məxsus restorana hücum edərək, obyekt sahiblərinə xəsarət yetiriblər, əmlaka külli miqdarda ziyan vurublar. Beverli Hils polisi hadisəni araşdırır. Türkiyənin baş konsulu Can Oğuz və bütün türk icması ilə həmrəylik nümayiş etdirmək məqsədilə Nəsimi Ağayev Azərbaycan icmasının üzvləri ilə birgə hadisə yerində olub. FOX, ABC kanalları və digər mətbuat orqanları Pakistan icması rəhbərlərinin də qatıldığı həmrəylik tədbirini işıqlandırıblar.
Nərgiz Camal