2021-01-13 12:00

Müdafiə naziri Zakir Həsənov Heydər Əliyev adına Azərbaycan Ali Hərbi Məktəbin şəxsi heyəti ilə görüşüb. Nazir yeni texnologiyalardan istifadə olunmaqla aparılan kadr islahatlarının Ordunun daha da güclənməsində mühüm rol oynadığını bildirib. Ali Hərbi Məktəbdə hərbi mütəxəssislərin hazırlıq proqramının Türkiyə Milli Müdafiə Universitetinin hərbi məktəblərində tətbiq olunan proqramlara uyğunlaşdırılması Azərbaycan Ordusunda peşəkar zabit kadrlarının hazırlanması istiqamətində atılan mühüm addımlardan biri kimi qiymətləndirilib. Zakir Həsənov hərbi təhsil sisteminin daha yüksək səviyyədə təşkili üçün müvafiq tapşırıqlar verib.

Vüsalə camal