Oktyabrın 21-i Laçın rayonunun işğaldan azad edilmiş Suarası kəndində 2 nəfərin minaya düşməsi ilə bağlı rayon prokurorluğuna məlumat daxil olub. Araşdırmalarla həmin ərazidə təmir tikinti işləri aparan Elsevər Həmidov və Səbuhi Həsənovun minaya düşmələri nəticəsində müxtəlif dərəcəli bədən xəsarətləri almaları müəyyən edilib. DİN-dən isə məlumat verilib ki, minaya düşən şəxslərin müalicəsi davam etdirilir.