İşğaldan azad olunmuş Laçın şəhərində, Zabux və Sus kəndlərində tibbi xidmət yenidən təşkil ediləcək. Mövcud imkanların yerində qiymətləndirilməsi məqsədilə Səhiyyə Nazirliyi və TƏBİB-in rəhbər əməkdaşlarından ibarət işçi qrupu əraziyə səfər edib. Tibb müəssisələrinin yeri, tibbi xidmətdən yararlanması nəzərdə tutulan əhali sayı və digər zəruri məlumatlar dəqiqləşdirildikdən sonra tədbirlər planına uyğun olaraq işə başlanılacaq.