"Kəpəz" klubu mövsümün ikinci yarısında da ev oyunlarını Tovuz şəhər stadionunda keçirmək istəyir. Gəncə təmsilçisinin mətbuat xidmətindən verilən məlumata görə, bununla bağlı müzakirə gedir. "Sarı-göylər" Azərbaycan Premyer Liqasının XIX turunda "Turan Tovuz"u Qəbələ şəhər stadionunda qəbul edəcək. "Kəpəz" tərəfi rəqib məhz Tovuz təmsilçisi olduğu üçün bu addımı atdıqlarını vurğulayıb. Qərb derbisi yanvarın 22-də, saat 17:30-da start götürəcək.

Fərid Mehdiyev