Bakı-Qazax əsas magistral yolunun Kürdəmirin Çöhranlı kəndindən keçən hissəsində ağır qəza baş verib. Belə ki, Balakən sakini, 31 yaşlı Qınçıyev Rəvan Ramazan oğlunun idarə etdiyi içi müxtəlif meyvələrlə dolu "Ford" qarşıda hərəkətdə olan, Tovuz sakini Cəfərov Akifin idarə etdiyi mişar daşı ilə dolu olan "KamAZ"ın qoşqusuna çırpılıb. Nəticədə "Ford"un sürücüsü və sərnişini, Balakən sakini Elvin Oktay oğlu Kərimov müxtəlif dərəcəli ağır xəsarətlərlə Kürdəmir rayon Mərkəzi Xəstəxanasına çatdırılıblar. Həkimlərin səyinə baxmayaraq, Elvin Kərimov xəstəxanada dünyasını dəyişib.