Kürdəmirdə ağır yol qəzası baş verib, ölənlər və yaralılar var
Kürdəmirin Qarasaqqal kəndində qəza olub. Belə ki, Yenikənd kənd sakini 1993-cü il təvəllüdlü Qubadov Abdulla Təvəkkül oğlu "KİA" ilə kənd istiqamətində hərəkətdə olarkən idarəetməni itirib. Avtomobil yoldan çıxaraq yol kənarındakı su kanalına düşüb. Sürücü hadisə yerində ölüb. Maşında olan 3 sərnişin - Xırdapay kənd sakinləri 1988-ci il təvəllüdlü Daşdıyev Ramal Durhəsən oğlu, 1992-ci il təvəllüdlü Manafov Mayıl Habil oğlu və Atakişili kənd sakini 1992-ci il təvəllüdlü Nəbiyev Elmin Fərhad oğlu rayon Mərkəzi Xəstəxanasına çatdırılıblar. Həkimlərin səylərinə baxmayaraq, sərnişinlərdən biri Ramal Daşdıyev xəstəxanada dünyasını dəyişib.