2021-05-25 10:06

UEFA Konfrans Liqasında qrup mərhələsinə yüksələcək hər bir klub 2,94 milyon avro gəlir əldə edəcək. Qrup mərhələsindəki hər qələbəyə görə 500 000 avro, heç-heçəyə görə 166 000 avro veriləcək. Qrupu lider kimi tamamlayan komanda daha 650 000 avro qazanacaq. Qrup ikincilərinə 325 000 avro, 1/16 finala çıxanlara 300 000 avro, 1/8 finala vəsiqə qazananlara isə 600 000 avro ödəniləcək. Təsnifat mərhələsinin mükafat fondu isə hələ elan olunmayıb. Azərbaycanı yarışda "Qarabağ", "Sumqayıt" və "Keşlə" klubları təmsil edəcək.

Nərgiz camal