Konfrans Liqasında qrup mərhələsinin 3-cü turunun oyunları keçirilib. Fənərbağça evdə Ludoqoretsi 3:1 məğlub edərək xallarının sayını 9-a çatdırıb. Bu qrupun digər oyununda Nordsyelland Slovakiyada yerli Spartakı 2:0 yenib. Türkiyənin digər təmsilçisi Beşiktaş səfərdə Bodo Qlimtə boyun əyib - 3:1. Eyni qrupda keçirilən Luqano – Brügge matçı qonaqların eyni hesablı qələbəsi ilə başa çatıb. Lill Fransada Slovanı 2:1 məğlub edib. Gent Breydabliki meydana çıxmağa peşman edib - 5:0. Qazaxıstan Astanası səfərdə Balkanidən üstün olub - 1:2. Millimizin hücumçusu Mahir Emrelinin 56 dəqiqə meydanda qaldığı matçda Dinamo Zaqreb Vktoriyaya minimal hesabla uduzub. Aston Villa səfərdə Alkmaarı 1:4 məğlub edib. Genk – Ferentsvaroş matçında qapılara qol vurulmayıb. Fiorentina Çukariçkinin qapısından 6 cavabsız qol keçirib. Eyni aqibəti HİK Frankfurt səfərdində yaşayıb. Aytraxt:6 - HİK:0. Və nəhayət 5 qolun vurulduğu matçda Aberdin evdə PAOK-a təslim olub.

Emin İsazadə