Oğuzun Dəymədağlı kəndində bir nəfərin odlu silahdan açılan atəş nəticəsində xəsarət alması barədə rayon polis şöbəsinə məlumat daxil olub. Araşdırmalarla ov edən, Bərdə sakini Hüseyn Cavadovun ehtiyatsızlıqdan tüfəngdən açdığı atəşdən Habil Abdullayevin xəsarət alması müəyyən olunub. Yaralıya xəstəxanada ilkin tibbi yardım göstərildikdən sonra evə buraxılıb. Hüseyn Cavadovdan isə müvafiq sənədləri olan ov tüfəngi götürülüb. Fakt araşdırılır.
Nərgiz Camalzadə