Daxili İşlər Nazirliyinin Kibercinayətkarlıqla Mübarizə Baş İdarəsi “Zuerx” adlı onlayn dələduzluq piramidasına qarşı əməliyyat keçirib. Kiberpolis tərəfindən aparılan tədbirlər nəticəsində piramidanı idarə edən 32 yaşlı Əli Qarazadə, 35 yaşlı Samir Ağazadə və 39 yaşlı Elmar Xosiyev saxlanılıb. Onların 400-dən çox şəxsi yüksək gəlir vədi ilə aldadaraq böyük məbləğlərdə vəsait topladıqları müəyyən edilib. Faktlarla bağlı araşdırmalar davam etdirilir. Vətəndaşlara heç bir iqtisadi əsası olmayan piramida və kriptoyatırım sxemlərinə inanmamaq tövsiyə olunur.