Karantin rejimi çərçivəsində ayrılan maliyyə yardımının ümumi həcmi 2 mlrd
2020-12-15 18:00
Azərbaycan hökuməti tərəfindən COVID-19 pandemiyası və bu səbəbdən ölkədə tətbiq edilən karantin rejimi çərçivəsində ayrılan maliyyə yardımının ümumi həcmi 2 mlrd. ABŞ dollarından çoxdur. İqtisadiyyat naziri Mikayıl Cabbarov bildirib ki, sosial dəstək tədbirləri indiyədək 5 milyona yaxın insanı əhatə edib və 14 dekabrdan ölkədə sərtləşdirilmiş xüsusi karantin rejiminin tətbiqi ilə əlaqədar olaraq əhaliyə ödənişlər formasında yenidən dəstək göstəriləcək. Sərtləşdirici tədbirlər ölkə üzrə 458 min işçini əhatə edib. İndiyədək Azərbaycan hökuməti COVID-19 pandemiyasından zərər çəkən özəl sektordakı bizneslərə 200 mln. manatdan çox maliyyə yardımı göstərib.
Fərid Mehdiyev