Bakı-Qazax əsas magistral yolunun Ucarın Qaradağlı kəndindən keçən hissəsində qəza baş verib. Hərəkətdə olan "KamAZ" minik maşını ilə toqquşub. Nəticədə minik maşınında olan sərnişin, rayonun Qaradağlı kənd sakini, 1979-ci il təvəllüdlü Yusif Əhmədov müxtəlif xəsarətlərlə ağır vəziyyətdə xəstəxanaya yerləşdirilib. Həkimlər zərərçəkənin vəziyyətini ağır qiymətləndirir.
Köhnə Ələt-Astara magistralının Cəlilabaddan keçən hissəsində də qəza qeydə alınıb. "QAZel" idarəetməni itirərək magistral yoldan çıxıb və elektrik dirəyinə çırpılaraq aşıb. Xəsarət alan sürücü Cəlilabad rayon mərkəzi xəstəxanasına çatdırılıb. Faktlar araşdırılır.

Zülfiyyə Telmanqızı