"Kəpəz" azlıqda qələbə qazanıb
2020-10-22 18:08
Futbol üzrə I Divizionda III turun oyunları keçirilib. Tur çərçivəsində “Kəpəz” “Sumqayıt-2” komandasının qonağı olub. Oyunun gedişində İbrahim Camalovun qırmızı vərəqə alıb “sarı-göylər”i azlıqda qoymasına baxmayaraq gəncəlilər qələbə qazanmağı bacarıb. “Kəpəz”ə 3 xal gətirən qola Nodar Məmmədov imza atıb. Komandanın ştatlı penalti vuranı cari mövsümdə 3-cü dəfə 11 metrlik cərimə zərbəsindən fərqlənib. Bu qələbə sayəsində Nizami yurdunun təmsilçisi turnir cədvəlində 2-cı sıraya yüksəlib. “Kəpəz”in hesabında 6 xal var.
Nərgiz Camal