2020-06-01 16:06

Cənub Ərazi Baş Gömrük İdarəsinin Biləsuvar gömrük postunda ölkəmizdən tranzit keçməklə Avstriyaya "kişmiş" yükü aparan İran vətəndaşlarının idarə etdikləri yük avtomobilləri saxlanılıb. Kinoloji xidmət itlərinin iştirakı ilə keçirilən baxış zamanı yanacaq çənlərində gizlədilən tünd qəhvəyi rəngli, kəskin qoxuya malik, tərkibində narkotik maddənin-heroinin olduğu məhlul aşkarlanıb. Hər iki yük nəqliyyat vasitəsindən külli miqdarda, 281 kiloqram 435 qram narkotik vasitə-heroin aşkar edilib.

Vüsalə Camal