Azərbaycanın işğaldan azad olunmuş əraziləri klassik urbisid, kultursid və ekosid nümunələridir. Bu sözləri Prezident İlham Əliyev Qoşulmama Hərəkatının COVID-19-a qarşı mübarizə üzrə Təmas Qrupunun Bakıda keçirilən Zirvə görüşündə çıxışında deyib. Dövlət başçısı Azərbaycan hökumətinin işğaldan azad olunmuş ərazilərdə yenidənqurma işlərinə bu il ən azı 1,7 milyard ABŞ dolları məbləğində vəsait ayrılmasını planlaşdırdığını vurğulayıb. Ermənistanın işğalına görə, Azərbaycanın dünyada mina ilə ən çox çirkləndirilən ölkələrdən olduğunu xatırladıb. "Qoşulmama Hərəkatına üzv ölkələrin bir çoxunun mina və partlamamış hərbi sursatlarla ən çox çirklənmiş ölkələr sırasında olduğunu nəzərə alaraq, mən səsimizi qlobal miqyasda eşitdirmək üçün Minaların Təsirinə Məruz Qalmış Ölkələrin Həmfikirlər Qrupunun yaradılmasını təklif etmək istəyirəm", deyə Prezident sözlərinə əlavə edib.

Nərgiz Camalzadə