Bu gün futbol üzrə Azərbaycan Kubokunda 1/8 final mərhələsi tarixi hadisənin yaşanması ilə əlamətdar olacaq. Çünki “Qarabağ” - MOİK görüşü Xankəndidə təşkil olunacaq. Ağdam təmsilçisi ilə “hərbçilər”in dueli işğaldan azad edilmiş ərazilərdə 30 illik fasilədən sonra ilk futbol matçı olacaq. Axırıncı dəfə 1993-cu ilin mayında “Qarabağ” Ağdamın “İmarət” stadionunda Tovuzun “Turan” klubu ilə qarşılaşıb və 2:1 hesablı qələbə qazanıb. 1/8 mərhələsinin digər qarşılaşmasında isə Bakıda “Neftçi” I Liqanın lideri “Qaradağ Lökbatan”ı sınağa çəkəcək.

Fərid Mehdiyev