İyulun 12-də şəhid olan hərbçilər torpağa tapşırılıb
2020-07-13 14:05
Azərbaycan-Ermənistan dövlət sərhədinin Tovuz rayonu istiqamətində gedən döyüşlərdə şəhid olan Azərbaycan hərbçisi, çavuş Vüqar Sadıqov doğulduğu Ağstafa rayonu, Yuxarı Göycəli kəndində torpağa tapşırılıb. Şəhid olan əsgər Xəyyam Daşdəmirov İsmayıllı rayonunun Balik kəndində dəfn edilib. Baş əsgər Elşad Məmmədov Tovuzun Ağdam kəndində son mənzilə yola salınıb. Baş leytenant Rəşad Mahmudovun nəşi doğulduğu Biləsuvar rayonunun Aşağı Cürəli kənd qəbiristanlığında torpağa tapşırılıb.
Vüsalə Camal