İtaliyanın "Yuventus" klubundan ayrılan qapıçı Canluici Buffon "Parma"ya keçəcək
2021-06-14 16:10
İtaliyanın "Yuventus" klubundan ayrılan qapıçı Canluici Buffon "Parma"ya keçəcək. 43 yaşlı qapıçı bu həftə B Seriyası təmsilçisi ilə müqavilə imzalayacaq. Onun həmyerlisi, "Milan"dan ayrılan Canluici Donnaruma isə Fransanın PSJ klubu ilə müqavilə imzalayacaq. Razılaşma 2026-cı ilədək nəzərdə tutulub. İtaliya millisinin qapıçısı iyunun 16-da Avropa çempionatının A qrupunun İtaliya - İsveçrə matçından sonra tibbi müayinədən keçəcək.
Fərid Mehdiyev