2020-11-09 18:06

İtaliya - Azərbaycan Birliyinin təşəbbüsü ilə “9 Noyabr- Dövlət Bayraq günü” ilə əlaqədar İtaliyanın Roma və Piza şəhərində tədbir keçirilib. Tədbirlərdə üçrəngli bayrağımızın Azərbaycanın işğal olunmuş torpaqlarında yenidən dalğalanmasının dünyada yaşayan azərbaycanlılara sevinc və fərəh hissi bəxş etdiyi vurğulanıb. Romada “The Fontana della Dea Roma” meydanında italiyalı musiqiçilərinin müşayəti ilə “Ay Laçın” mahnısını ifa edən gənclər şəhər sakinlərinin diqqətini çəkiblər. Tədbir iştirakçıları işğalçı Ermənistan Ordusunun hərbi təxribatlarına, Azərbaycanın dinc əhalisinə qarşı törətdiyi vandalizm aktlarına, mülki obyektlərin dağıdılmasına dair hazırlanan məlumatverici lövhələr, plakatlar vasitəsi ilə Qarabağ həqiqətlərini İtalya cəmiyyətinin diqqətinə çatdırmağa çalışıblar.

Fərid Mehdiyev