İstanbulun mərkəzində baş verən partlayış nəticəsində zərərçəkənlər arasında Azərbaycan vətəndaşları yoxdur. Xarici İşlər Nazirliyindən bu barədə hər hansı bir məlumatın daxil olmadığı vurğulanıb. Ötən gün axşam saatlarında Taksim meydanında partlayış törədilib. Hadisə nəticəsində 6 nəfər həlak olub, 81 nəfər yaralanıb. Partlayışa səbəb olan bombanı qoyan şəxs polis tərəfindən saxlanılıb. Onun şəxsiyyəti açıqlanmır. İzlər Ankaranın terrorçu elan etdiyi Suriyadakı kürd qruplaşmalarına aparıb çıxarır.