İstanbulda güclü leysan və fırtına nəticəsində iki nəfər həyatını itirib. Onlardan biri 14 yaşlı yeniyetmə olub. O, su basmış ərazidən keçərkən elektrik cərəyanının vurması nəticəsində dünyasını dəyişib. Digər şəxs isə sel sularını keçərkən yıxılaraq başından xəsarət alaraq vəfat edib. İstanbul Valiliyinin məlumatına görə, fəsadların aradan qaldırılması üçün 8 min nəfərlik heyət və 2 min texnika cəlb olunub. Şəhər üzrə subasma, torpaq sürüşməsi və digər hadisələrlə bağlı ümumilikdə 2 518 şikayət daxil olub. Güclü yağışlarla əlaqədar İstanbulda tədris prosesi bir günlük dayandırılıb.

15 oktyabr 2026