2020-11-17 10:09

İspaniyanın "Atletiko" klubunun və Uruqvay millisinin futbolçusu Luis Suares koronavirusa yoluxub. 33 yaşlı hücumçunun testi müsbət nəticə verib. İndi Suaresi daha bir test gözləyir. Ancaq istənilən halda, Uruqvaylının noyabrın 18-də dünya çempionatının seçmə mərhələsindəki Braziliya millisi ilə oyunu, eləcə də noyabrın 21-də İspaniya La liqasının 10-cu turunda sabiq klubu Barselona ilə görüşü buraxacağı dəqiqdir. "Atletiko" Luis Suaresi mövsümün əvvəlində "Barselona"dan transfer edib.

Vüsalə Camal