İrandan Azərbaycana narkotik və psixotrop həblər keçirən iki qardaş saxlanılıb
2020-11-27 16:09
Astaranın Qapçıməhəllə kəndi yaxınlığındakı sərhəd zastavasının xidməti ərazisində İrandan Azərbaycan istiqamətində 2 nəfərin dovlət sərhədini pozması əlamətləri aşkarlanıb. Dövlət sərhədini pozmaqda şübhəli bilinən Astaranın Rüdəkəran kənd sakini 29 yaşlı Məmmədov Mərhəmət Təyyubulla oğlu saxlanılıb. Evindən 0,5 kq “heroin” və 115 ədəd “Metadon-40” həbi aşkar olunaraq götürülüb. Məmmədov dövlət sərhədini qardaşı 39 yaşlı Seymur Məmmədovla birlikdə qanunsuz olaraq keçdiyini etiraf edib. Seymur da yaşadığı evdə saxlanılıb, onun əvvəllər dəfələrlə oğurluq törətdiyinə görə məhkum olunduğu müəyyənləşib. Fakt üzrə cinayət işi başlanılıb.
Fərid Mehdiyev