İrandan Azərbaycana narkotik keçirmək cəhdlərinin qarşısı alınıb
2021-04-24 14:05
Aprelin 21-də Fizulinin Aşağı Yağlıvənd kəndi yaxınlığındakı sərhəd zastavasının xidməti sahəsində dövlət sərhədini pozaraq Azərbaycandan İrana keçməyə cəhd edən keşmiş məhkum 40 yaşlı Abdurəhmanov Azər Fərrux oğlu saxlanılıb. Onun İrandan Azərbaycana narkotik gətirmək məqsədilə ilə sərhədi keçmək niyyətində olduğu müəyyənləşdirilib. Astaranın Sım kəndi yaxınlığındakı sərhəd zastavasının ərazisində İrandan Azərbaycan ərazisinə hərəkət edən 2 şəxsin sərhədi pozması da müşahidə edilib. “Dayan” əmrinə tabe olmayan şəxslər əllərindəki bağlamanı ataraq, geriyə qaçıblar. Çantadan 8 kiloqram 555 qram narkotik vasitəyə oxşar maddə götürülüb.
Nərgiz Camal