2020-02-20 14:00
“İranda aşkarlanan koronavirus təhlükəsinə görə sərhəddə profilaktik tədbirlər yüksək səviyyədə həyata keçirilir”. Dövlət Gömrük Komitəsinin məlumatına görə, koronavirus təhlükəsi yaranandan bütün sərhəd-keçid məntəqələrində gücləndirilmiş iş rejimi tətbiq olunur, profilaktik tədbirlər görülür. Bütün sərhəd-keçid məntəqələrində avtomobillər dezinfeksiya olunur, termovizorlar vasitəsilə insanların hərarəti ölçülür. Şübhəli vəziyyət olanda həmin şəxslər aidiyyəti üzrə təhvil verilirlər.
Biləsuvar rayon sakini pnevmoniyadan vəfat edib. Rayonun Ağalıkənd kənd sakini, 17 yaşlı Xalid Quliyev müalicə olunduğu xəstəxanada ölüb. Məlumata görə, mərhum bir neçə gün öncə soyuq su ilə çimib. Bundan sonra onun vəziyyəti pisləşib. O, xəstəxanada bir müddət müalicə olunsa da, həyatını xilas etmək mümkün olmayıb.
Ruhəngiz Hacızadə