İranda 7 azərbaycanlı fəal etiraz aksiyaları ilə bağlı həbs olunub. İran teatr işçiləri isə hicabdan imtina ediblər. Bəndər Abbas şəhərində molla rejimindən narazı gənclər Xameneyinin banerinə od vurublar. Abdanan şəhərində narazı əhali gecə aksiyası keçirib, yollarda tonqallar qalayaraq barrikada qurublar. Qəzəbli xalq Borazcan şəhərində Molotov kokteylləri ataraq “Bəsic” qüvvələrinin qərargahına od vurub. Təhlükəsizlik qüvvələri Xoy şəhərində "İran İnternational" televiziya kanalının şəbəkə rəhbərini baş verən etirazlardan sonra həbs ediblər. İran millisinin Azərbaycan əsilli sabiq futbolçusu Əli Daeinin özü və ailəsi təhdid olunub.