2021-05-19 18:04

İran-Azərbaycan sərhədini pozmağa cəhd edən azərbaycanlı İran sərhədçiləri tərəfindən güllələnərək öldürülüb. Hadisə mayın 16-da baş verib. Musayev Mircavad Mircəlal oğlu İrandan Azərbaycan istiqamətində dövlət sərhədini pozmağa cəhd edib. Bu zaman İran sərhədçiləri tərəfindən silah tətbiq edilib və Mircavad Musayev həyatını itirib. Dövlət Sərhəd Xidmətindən verilən məlumata görə, şəxsin cənazəsi rəsmi qaydada qəbul edilərək ailə üzvlərinə təhvil verilib. Hadisənin araşdırılması və nəticələri barədə məlumat verilməsinə dair İran tərəfinə müvafiq sorğu göndərilib.

Nərgiz camal