İngiltərə Premyer Liqasında 16-cı tura start verilib
2020-12-29 10:10
İngiltərə Premyer Liqasında 16-cı tura start verilib. İlk gündə nəzərdə tutulan 3 oyundan ikisi baş tutub. Mançester Siti-nin futbolçularında koronavirusa yoluxma faktı aşkarlandığından, şəhərlilərin Evertonla səfər görüşü təxirə salınıb. Baş tutan hər iki görüşdə isə eyni hesab qeydə alınıb. Kristal Pelasın qonağı olan Lester məğlubiyyətdən son anda qurtulub. Hərəyə 1 qol vuran komandalar sülhə razılaşıblar. Çelsi turnir cədvəlindəki qonşusu Aston Villa ilə üz-üzə gəlib. Hesabda önə çıxan zadəganlar bunu sona qədər qoruya bilmiyiblər. Son 4 matçın 3-də məğlub olan London təmsilçisi bu dəfə 1 xalla kifayətlənib. Yekun nəticə 1:1. Turun digər oyunları bu gün və sabah keçiriləcək.
Vüsalə Camal