Bakının Sabunçu rayonunda 1986-cı il təvəllüdlü Eldar Xurşudov sərxoş vəziyyətdə aralarında yaranan münaqişə zəminində qonşusu, 1980-ci il təvəllüdlü Vəfadar Əzizovu bıçaqlayıb. Yaralı xəstəxanaya yerləşdirilib, Eldar Xurşudov isə şübhəli şəxs qismində saxlanılıb.
İmişlinin Hacırüstəmli kəndində də bıçaqlanma olub. 1992-ci il təvəllüdlü Cavid Bədirxanov münaqişə zəminində atası, 1960-cı il təvəllüdlü Məmməd Bədirxanovu kürək nahiyəsindən bıçaqlayıb. Yaralı xəstəxanaya aparılıb, Cavid Bədirxanov tutulub.
Qəbələdə isə Bakının Şüvəlan qəsəbə sakini, 1993-cu il təvəllüdlü Əliyeva Gülsümxanım Bəhram qızı boyun nahiyəsinin kəsilmiş-deşilmiş yarası ilə rayon mərkəzi xəstəxanasına aparılıb. Onun vəziyyəti orta qiymətləndirilir. Faktlar araşdırılır.

Nərgiz Camalzadə