İmişlidə avtomobil su kanalına düşüb, ölən və yaralananlar var
2020-01-15 12:02
İmişlinin Cəfərli kəndində "VAZ-2106" markalı avtomobil yoldan çıxaraq su kanalına aşıb. Qəza nəticəsində sürücü, Yalavac kənd sakini, 32 yaşlı Zaur Mirzəyev və onun sərnişini, Cəfərli kənd sakini, 32 yaşlı Nicat Məmmədov suda boğulublar. Avtomobildə olan digər 2 sərnişin Yalavac kənd sakinləri – 26 yaşlı Elvin Mustafayev və 29 yaşlı Eldəniz Mehdiyev müxtəlif xəsarətlərlə İmişli Rayon Mərkəzi Xəstəxanasına yerləşdiriliblər.
Vəfa Şairova