“Qızıl top”un təltifetmə mərasimində ilin ən yaxşı klubları da açıqlanıb. Kişi komandalar arasında bu ada İngiltərə çempionu və UEFA Çempionlar Liqasının son qalibi “Mançester Siti” layiq görülüb. İlin qadın komandası isə “Barselona” seçilib. Ən yaxşı hücumçuya verilən “Gerd Müller” mükafatına isə “Mançester Siti” klubunun hücumçusu Erlinq Haland sahib çıxıb. Norveçli bu müddət ərzində 56 qolla yadda qalıb. Ən yaxşı qapıçıya təqdim edilən Lev Yaşin mükafatına Argentina millisinin qapıçısı Emiliano Martines, ictimai və xeyriyyə layihələrində iştirak edən futbolçular üçün nəzərdə tutulan Sokrates kubokuna isə Realın futbolçusu Vinisius Junior laiq görülüb. İlin ən yaxşı gənc futbolçusu isə yenə Realdan Jud Bellinqem seçilib.
Emin İsazadə