Azərbaycan Prezidenti İlham Əliyev Gəncədə səfərdə olub. Dövlət başçısı Ümummilli Lider Heydər Əliyevin şəhərin mərkəzində ucaldılmış abidəsini ziyarət edib, önünə gül dəstəsi qoyub.
Ekoloji Park Kompleksinin tikintisi ilə tanış olan prezidentə bildirilib ki, kompleks 11 hektar ərazini əhatə edir. Kompleksə sahəsi 1285 kvadratmetr olan ikimərtəbəli oranjereya binası daxildir. Unikallığı ilə seçiləcək kompleksdə insanların rahatlığı və asudə vaxtlarını daha səmərəli keçirmələri üçün bütün lazımi şərait yaradılır. Ekoloji Park Kompleksinin ərazisində əyləncə mərkəzlərinin, idman qurğularının, iaşə obyektlərinin yaradılması da planlaşdırılıb.
Prezident Gəncə səfərində həmçinin İdman Sarayının açılışını edib və şəhər stadionunun təməlini qoyub.

Fərid Mehdiyev