Avropa və Yunanıstan Olimpiya Komitələrinin prezidenti olan Spiros Kapralos Birinci Avropa Oyunlarının yüksək səviyyədə təşkil olunmasında Prezidenti İlham Əliyevin rolunu xüsusi qeyd edib. Dövlət başçısının qəbulunda olan Spiros Kapralos bunun Avropa Olimpiya ailəsində həmrəyliyə böyük töhfə verdiyinə diqqət çəkib. Prezident İlham Əliyev Azərbaycanla Avropa Olimpiya Komitələri arasında əlaqələrin bundan sonra da uğurla inkişaf edəcəyinə əminliyini ifadə edib.