Enerji, nəqliyyat, təbii qaz təchizatı, kənd təsərrüfatı və digər sahələrdə əməkdaşlıqla bağlı məsələlər Prezident İlham Əliyevlə Bolqarıstanlı həmkarı Rumen Radev arasında videokonfrans formatında görüşündə müzakirə edilib. Azərbaycanın Avropanın enerji təhlükəsizliyinə verdiyi töhfə, Avropada yeni qaz konnektorunun inşası məsələsinə toxunulub. Həmçinin nəqliyyat sahəsində əməkdaşlıqla bağlı Bolqarıstandan Azərbaycan ərazisindən Orta Asiya ölkələrinə tranzit yüklərin həcminin artırılması məsələləri barədə fikir mübadiləsi aparılıb. Rumen Radev Azərbaycan Prezidentini ölkəsinə rəsmi səfərə dəvət edib, dəvət minnətdarlıqla qəbul olunub.
Prezident İlham Əliyev Xorvatiyanın sabiq Prezidenti Kolinda Qrabar-Kitaroviçi də qəbul edib. Söhbət zamanı Azərbaycan-Xorvatiya ikitərəfli münasibətlərinin uğurlu inkişafı qeyd edilib.

Nərgiz Camalzadə