Prezident İlham Əliyev Novruz bayramı münasibətilə xalqı təbrik edib. Dövlət başçısı vətəndaşlara cansağlığı, səadət və uğurlar arzulayıb. Təbrikdə Novruzun xalqımızın qədim ənənələrini, milli dəyərlərini və mənəvi zənginliyini əks etdirən mühüm bayram olduğu vurğulanıb. Prezident qarşıdan gələn bayramın ölkəyə əmin-amanlıq və firavanlıq gətirməsini diləyib. Dövlət başçısı əminliyini bildirib ki, yaz fəslinin yeniləşdirici ab-havası gələcəyimizi arzularımıza uyğun qurmaq şövqümüzü daha da artıracaq və azadlığa qovuşduğumuz torpaqlarımızı gözəlliklər məskəninə çevirəcəyik. İlham Əliyev hamıya xoş bahar əhval-ruhiyyəsi, ev və ocaq üçün əmin-amanlıq, firavanlıq və bol ruzi-bərəkət arzulayıb.

18 mart 2026