Prezident İlham Əliyev Azərbaycan ilə Çexiya arasında ticarət dövriyyəsinin 800 milyon dollardan çox olduğunu bildirib. Dövlət başçısı bu rəqəmi Çexiyanın Baş naziri Andrey Babişlə birgə mətbuata bəyanat zamanı səsləndirib. O qeyd edib ki, ticarət dövriyyəsinin əsas hissəsini Azərbaycan neftinin ixracı təşkil edir.Prezident bildirib ki, məqsəd ticarət əlaqələrinin daha tarazlı və çoxşaxəli strukturda inkişaf etdirilməsidir. Onun sözlərinə görə, görüşlərdə həm təkbətək, həm də nümayəndə heyətlərinin iştirakı ilə konkret iqtisadi və investisiya layihələri müzakirə olunub.Qəbələdə həmçinin, Prezident İlham Əliyevin adından Çexiyanın Baş nazirinin şərəfinə rəsmi lanç verilib.

24 aprel 2026