Prezident İlham Əliyev Bakı Ekspo Mərkəzində məişət tullantıları daşıyan texnikalarla tanış olub. Ekologiya və Təbii Sərvətlər Nazirliyinin sifarişi ilə Gəncə Avtomobil Zavodunda istehsal olunan texnikalar Azərbaycanın 58 şəhər və rayonuna göndəriləcək. Hər biri 22 kubmetr tutuma malik 70 kommunal texnika layihə çərçivəsində istehsal olunub.Layihənin məqsədi regionlarda kommunal xidmətlərin keyfiyyətini artırmaq, sanitariya-gigiyena vəziyyətini yaxşılaşdırmaq, ətraf mühitin mühafizəsini gücləndirmək və yerli istehsalı dəstəkləməkdir.Gəncə Avtomobil Zavazodunun əsası 1986-cı ildə Heydər Əliyev tərəfindən qoyulub, 2004-cü ildə isə İlham Əliyev tərəfindən fəaliyyətə başlanıb. Hazırda zavodda təxminən 500 işçi çalışır.

02 mart 2026