Zəngin tolerantlıq ənənələri ilə tanınan Azərbaycanda ayrı-ayrı xalqların və dinlərin mənsubları yüz illərdir ki, əmin-amanlıq, qarşılıqlı hörmət və etimad şəraitində yaşayırlar. Bu barədə Prezident İlham Əliyevin Azərbaycanın pravoslav xristian icmasına ünvanladığı təbrik məktubunda bildirilib. Etnik-dini müxtəlifliyi dövlətçiliyin misilsiz nailiyyəti kimi qiymətləndirən dövlət başçısı demokratik birgəyaşayışın, humanizm və dözümlülüyün dövlət siyasətinin prioritet istiqamətlərindən biri olduğuna diqqət çəkib. "Təqdirəlayiq haldır ki, xristian həmvətənlərimiz nümunəvi dövlət-din münasibətlərinin yaratdığı geniş imkanlardan yararlanaraq özünəməxsus adət-ənənələri, dil və mədəniyyəti yaşadır", - deyə məktubda qeyd olunub.

Fərid Mehdiyev