Prezident İlham Əliyev Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Zirvə Görüşü çərçivəsində İsrail Prezidenti İsxak Hersoq, Özbəkistan Prezidenti Şavkat Mirziyoyev, Tacikistan Prezidenti Emoməli Rəhmon və Vyetnamın vitse-prezidenti Vo Thi An Suan ilə görüşlər keçirib. Dövlət başçısı, həmçinin Çin Kommunist Partiyası Mərkəzi Komitəsinin Siyasi Bürosunun üzvü, xarici işlər naziri Vanq Yi və Bəhreynin xarici işlər naziri Əbdüllətif bin Rəşid Al Zayanini qəbul edib. Görüşlərdə ikitərəfli münasibətlərin inkişafı, iqtisadi və ticarət əlaqələrinin genişləndirilməsi, regional və beynəlxalq əməkdaşlıq məsələləri müzakirə olunub. Tərəflər qarşılıqlı əlaqələrin gücləndirilməsi perspektivləri barədə fikir mübadiləsi aparıblar.Bu arada, Rusiyanın xarici işlər naziri Sergey Lavrov da AQEM sammitində iştirak etmək üçün Bakıya gəlib. Sammitdə təşkilatın gələcək inkişafı, eləcə də aktual beynəlxalq və regional məsələlər müzakirə ediləcək.

15 oktyabr 2026