Prezident İlham Əliyev Nyu-Yorkda “Orta Dəhliz boyunca: bağlantı, maliyyə və enerji” mövzusunda keçirilən 6-cı Xəzər Biznes Forumunun iştirakçılarına müraciət edib. Bildirib ki, avqustun 8-də Vaşinqtonda imzalanmış birgə bəyannamə ilə əsası qoyulan“Tramp Marşrutu” – TRIPP Azərbaycan ilə Naxçıvan arasında bağlantını təmin edəcək. Dövlət başçısı qeyd edib ki, TRIPP Orta Dəhlizin mühüm seqmentinə çevrilərək Asiyanı Avropa ilə birləşdirəcək, yükdaşımaları və enerji ixracı üçün geniş imkanlar yaradacaq. Prezident, son üç ildə Orta Dəhliz üzrə Azərbaycan vasitəsilə yükdaşımalarının həcmi təxminən 90 faiz artdığını, yüklərin keçid müddətinin əhəmiyyətli dərəcədə azaldığını vurğulayıb. Onu regional sabitlik və inkişafın vacib amili kimi görür.