Göygölün Çaylı kəndi ilə Goranboyun Yolqulular kəndini birləşdirən metal konstruksiyalı körpü oğurlanıb. Əməli törətməkdə şübhəli bilinən, Şəmkir sakinləri - İlkin Kamalzadə, Xəyal Əliyev, Elgün Məmmədov və Goranboy sakini Şükür Babayev saxlanılıblar.
Abşeron rayonunun Digah qəsəbəsindəki evlərin birindən 3.000 manat, 24.000 ABŞ dolları və 1000 manat dəyərində qızıl-zinət əşyaları oğurlayan Ağdaş sakini Nurlan Məmmədov da tutulub.
Qubanın Ağbil kəndində isə köhnə sənaye obyektindən 21 min manatlıq metal oğurlanıb. Əməli törətməkdə şübhəli bilinən rayon sakinləri -Nihad Babayev, Ruslan Əhmədov və Tahir Ələddinov saxlanılıblar.

Vüsalə Cənnətova