İdman zallarına giriş qaydaları açıqlanıb
2021-06-09 12:06
İdman zallarında pandemiya ilə bağlı qaydalara Gənclər və İdman Nazirliyi tərəfindən nəzarət olunacaq. Nazirliyin sözçüsü Qabil Mehdiyevin sözlərinə görə, zallarda növbəlilik prinsipi ilə məşqlər keçirilməli, sıxlıq müşahidə olunan yerlərdə qrafik tutulmalı və insanlar ora növbəli şəkildə daxil olmalıdır. Bundan başqa COVID-19 pasportu da tələb olunur. Bu qayda iyunun 10-dan məşqlərə gələn idmançılara aiddir. Məşq zallarında olan təlimatçı və müəllimlərə isə iyulun birinə qədər möhlət verilib. İdman zallarının rəhbərliyi hər bir şəxsin print olunmuş formada COVID pasportunu və şəxsiyyət vəsiqəsini özündə saxlamalıdır.
Nərgiz camal