Nazirlər Kabineti əhalinin dərman vasitələrinə əlçatanlığını artırmaq və tibbi sığorta sistemində şəffaflığı təmin etmək məqsədilə yeni qaydaları təsdiqləyib. Bundan sonra sığortaolunlar ambulator dərmanların bir qismini icbari tibbi sığorta hesabına əldə edə biləcəklər. Dərmanların siyahısı İcbari Tibbi Sığorta üzrə Dövlət Agentliyinin təsdiqlədiyi “Pozitiv siyahı” ilə müəyyən olunacaq və hər rüb yenilənərək agentliyin saytında dərc olunacaq. Daha bahalı dərman seçildikdə qiymət fərqi sığortaolunan tərəfindən ödəniləcək.