İbrahimoviç komandasına qarşıdakı 2 oyunda kömək edə bilməyəcək
2020-12-29 12:10
Milanın hücumçusu Zlatan İbrahimoviç İtaliya A seriyasında Benevento və Yuventusla oyunları buraxa bilər. 39 yaşlı hücumçu noyabrın 22-si bud nahiyəsi əzələsindən zədələnib və ona yaşıl meydanlara qayıtmağa az qalmış başqa bir əzələ zədəsi diaqnozu qoyulub. "Milan" isveçli oyunçusunu riskə atmaq istəmir və bu səbəbdən, klub onun tam sağalana qədər oynamamasına qərar verib. İbrahimoviç bu mövsüm bütün turnirlərdə 12 oyun keçirib və 12 qol vurub. Milan yanvarın 3-ü Benevento, yanvarın 6-sı isə Yuventusla oynayacaq.
Fərid Mehdiyev