Laçının Zabux kəndində seçicilər səsvermə hüququndan istifadə edirlər. Uzun illərdən sonra doğma yurdlarına dönən zabuxlular 121 saylı Laçın seçki dairəsinin 108 saylı seçki məntəqəsində səs verirlər. Məntəqədə seçici fəallığı müşahidə olunur.
Füzuli şəhəri 1 saylı orta məktəbdə fəaliyyət göstərən 84 saylı Füzuli seçki dairəsinin 75 saylı məntəqəsində də vətəndaşlar öz səsvermə hüquqlarından fəal şəkildə istifadə edirlər.
Cəbrayılda çalışan işçilərin səsvermədə iştirakı üçün iki seçki məntəqəsi fəaliyyət göstərir. 80 saylı seçki məntəqəsi Cəbrayıl şəhəri ərazisində, 81 saylı məntəqə isə rayonun Soltanlı kəndi ərazisindədir.
124 saylı Şuşa-Ağdam-Xocavənd seçki dairəsi üzrə Şuşa şəhəri 1 nömrəli tam orta məktəbdə yerləşən 46 saylı məntəqədə səsvermə nəzərdə tutulan vaxtda başlayıb. Seçicilərin səsvermədə aktiv iştirakı müşahidə olunur.

Vüsalə Cənnətova