2020-11-23 14:06

İşğaldan azad olunmuş rayonlardakı komendantlıqlarda Mədəniyyət Nazirliyinin nümayəndələri də var. Onların missiyası həmin ərazilərdə mədəniyyət müəssisələrinin, tarixi abidələrin vəziyyətinin öyrənilməsi və mühafizəsinin təmin edilməsidir. Mədəniyyət nazirinin birinci müavini Anar Kərimov bildirib ki, monitorinqlərin ilkin nəticələrinə əsasən, həmin ərazilərdə 151 mədəniyyət müəssisəsi, 72 kitabxana, 62 mədəniyyət evi və klub, 8 muzey, 9 musiqi məktəbinin olduğu dəqiqləşdirilib. Müəssisələrin hamısı dağıdılmış vəziyyətdədir. 67 tarixi abidə aşkar edilib ki, onların da 34-ü işğalçılar tərəfindən tamamilə dağıdılıb. "Mədəni irsimizə dəymiş ziyanın beynəlxalq təşkilatlar və ekspertlərin köməyi ilə düzgün qiymətləndirilməsinə çalışılır”, - deyə Anar Kərimov vurğulayıb.

Vüsalə Camal