2021-01-28 18:00

Prezident İlham Əliyev Ümumdünya Gömrük Təşkilatının Baş katibi Kunio Mikuriyanı videoformatda qəbul edib. Baş katib Kunio Mikuriya rəhbərlik etdiyi təşkilatın Azərbaycanda gömrük sahəsində aparılan islahatlara dəstəyinin davam edəcəyini vurğulayaraq, ölkəmizin regional inkişaf və nəqliyyat qovşağı mərkəzinə çevrildiyini bildirib. Prezident İlham Əliyev də Ermənistan və Azərbaycan arasında münaqişənin bitməsindən sonra regionda əməkdaşlıq üçün yeni imkanların yarandığını qeyd edib. Dövlət başçısının sərəncamı ilə Kunio Mikuriya “Dostluq” ordeni ilə təltif edilib.

Nərgiz camal