İşğaldan azad edilmiş ərazilərdə torpaq və əmlak münasibətləri yeni konsepsiya əsasında formalaşdırılır. “Böyük Qayıdış” proqramı çərçivəsində Qarabağ və Şərqi Zəngəzurda daşınmaz əmlak və infrastruktur obyektlərinin inventarlaşdırılması yekunlaşıb, elektron kadastr uçotu aparılıb, aerofotoplanalma əsasında ortofotoxəritələr hazırlanıb. Eyni zamanda torpaqların keyfiyyət göstəriciləri dəqiqləşdirilib, deqradasiyaya uğramış sahələr müəyyən edilib və onların əkin dövriyyəsinə qaytarılması üçün layihələr hazırlanıb. Pilot layihə kimi Zəngilanın Ağalı kəndində tətbiq edilib. Bütün daşınmaz əmlak obyektlərinə ünvanlar verilib və məlumatlar Ünvan Reyestri İnformasiya Sisteminə daxil edilib.

10 iyun 2026