İşğaldan azad edilmiş ərazilərdə minatəmizləmə işləri ilkin olaraq ərazilərin qeyri-texniki tədqiqatı ilə başlayır.ANAMA-dan bildirilib ki, bu mərhələdə əraziyə fiziki müdaxilə edilmədən partlayıcı sursatla çirklənmə barədə məlumatlar toplanır, ərazinin istifadə tarixçəsi araşdırılır və peyk görüntüləri təhlil edilir.
Daha sonra texniki tədqiqat aparılır. Bu zaman təhlükəli ərazilərdə əl ilə, mexaniki vasitələrlə və heyvanların köməyi ilə araşdırmalar həyata keçirilir. Ərazinin mina və ya döyüş sahəsi olduğu müəyyənləşdirildikdən sonra relyef və çirklənmə səviyyəsinə uyğun təmizləmə üsulu seçilir.Təmizləmə başa çatdıqdan sonra ərazi daxili və xarici keyfiyyət yoxlamalarından keçirilir. Uyğunsuzluq aşkarlanmadıqda sahə sertifikatlaşdırmaya təqdim olunur və son istifadəçilərə təhvil verilir.

25 sentyabr 2026